TerPlekkePodiumPoeem
Zaterdag 28 februari zaten wij in de uitzending van het radioprogramma Podium op RTV Drenthe. Egbert Hovenkamp II schrijft daar altijd een gedicht wat hij aan het eind van het programma voordraagt. Hieronder het fraaie gedicht, waarin het laatste stuk over Zwembadverhalen gaat.
TE PAS KOMMEN
De streektaol in weer in de kommende maond
je kunt weer revelen in plaots van praoten
dat doew hier ok:
theaoterkoor neuimt zuch zo
umdat d’r zoveul is dat schier is
in de loop van de jaoren de grui
de stemmen die rieker wod deur combinaoties
(‘ns een keer weden kieken en
kiek ‘ns an
de stem was thoes)
eein hef ’t stokkie in haanden
de pen die as schref is in meerdere haanden
de decors ok oet eigen haanden
-op pad naor de stad vol locht
daor, naor wèens, teein en taander op de plaanken-
Erica, je weeit wel
waor Ericaons spreuken wodt
waor Eric veur de meziek zörgde
ales op stee met Ericarré
dat mannen van jongs maokt bint
dat een boouk zo het
nao een haandboouk kwam dat idee
um te gaon schrieven;
schrieven in de taol die as
vanzölf sprek
kört en bondig
oetgebreider dan weer
dit boouk sprek van wat vrunden
as vrunden
beleeft;
kameraoden deur ales hen
vortgaon waor aj woonden
reflecterend
in woorden
je waogen an dat
’t aans haar kunnen gaon
aj bleven waden
aj de plaotsen niet oet het oog
haden laoten gaon
-dat de steein op mag schoeven
dat ’t neie spraokzaom wodt
de warkeliekheid in eigen haand-
(Boouk an de lien:
de barg van de ziel;
tweei vrouwen
nao verleeis
de riekdom van waj deeilen kunt
op zeuik naor zin
op pad de deeipte in
en weer naor boven)
op verhaol kommen in ’t zwembad
kleine golfies woorden
dikke verhaolen as zwembaand
um drievend te blieven
de verhaolen laoten kommen
een duuk nemmen
(de grond niet raoken!)
kop weer boven waoter
prikkende ogen vol verhaolen
vanoet nix in leven kommen
zwemmen gaon
zwemmen in woord en beeild
op pad tussen de baoden deur
de kleeidhokkies niet op slöt
maor de deurties wied lös
um de verhaolen op boeten te laoten kommen
zwemrieke historie
waotertrappen in de tied
© Egbert Hovenkamp II